Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti dhe gazetari Mentor Nazarko ka bërë deklarata të forta për zhvillimet politike në Kosovë, duke thënë se Presidentja Vjosa Osmani ka luajtur rol kyç në ruajtjen e orientimit euroatlantik të vendit dhe madje, sipas tij, e ka shpëtuar kryeministrin Albin Kurti nga mundësia e shpalljes “non grata” nga Shtetet e Bashkuara të Amerikës. Duke komentuar raportet mes Osmanit dhe Kurtit, Nazarko tha se “Osmani është personi që e ka ruajtur boshtin euroatlantik të Kosovës. Bosht të cilin kryeministri ndoshta ka tentuar ta zhvendosë ndonjëherë. Ajo e ka shpëtuar edhe zotin Kurti nga shpallja ‘non grata’ në SHBA. Ka një thashethem të tillë”, deklaroi Nazarko. Ai kritikoi edhe opozitën, duke thënë se nuk ka ditur të luajë rolin e saj në këtë krizë politike, ndërsa përgjegjësinë kryesore ia la pushtetit që, sipas tij, po e shfrytëzon në mënyrë jomorale shumicën parlamentare. Sipas tij, imazhi që po jep Kosova është i një shteti që nuk arrin kompromis as brenda vetes, e aq më pak në raport me jashtë. “Është imazhi i shtetit të papjekur”, u shpreh ai, duke paralajmëruar se nëse opozita nuk reflekton, qytetarët mund ta fajësojnë sërish atë dhe t’i japin të drejtë Kurtit në zgjedhjet e ardhshme.
