Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministrja për Integrime Evropiane, Mimoza Ahmetaj, ka vlerësuar se pozicioni i Kosova në arenën ndërkombëtare është përkeqësuar gjatë mandatit të dytë të qeverisë së udhëhequr nga Albin Kurti. Duke folur për zhvillimet në politikën e jashtme, Ahmetaj theksoi se nuk ka pasur ndryshime domethënëse dhe se situata, sipas saj, mbetet e pandryshuar ose edhe më e dobët krahasuar me periudhat e mëparshme. “Po i referohem mandatit të dytë të kësaj qeverie, ku asgjë nuk ka ndryshuar. Të bësh krahasime vetëm me një vit është kohë e shkurtër, por në bazë të rrethanave që po jetojmë, pozicioni i Kosovës ka degraduar në politikën e jashtme”, deklaroi ajo. Ahmetaj shtoi se zhvillimet aktuale reflektojnë mungesë progresi në forcimin e pozitës ndërkombëtare të vendit, duke nënkuptuar sfida në raportet me partnerët dhe në proceset integruese.
