Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i BDI-së, Ali Ahmeti, ka përkujtuar 5 Majin, Ditën e Dëshmorëve të Kombit Shqiptar, përmes një aktiviteti përkujtimor të zhvilluar në fshatin Dollogozhdë të Strugës. Në këtë aktivitet me karakter historik dhe kombëtar, janë bërë homazhe pranë vendprehjeve të disa figurave të njohura të rezistencës dhe veprimtarisë kombëtare, përfshirë Nuri Mazarin (Komandant Struga), Selman Seferin, Islam Veliun, Refajet Dervishin dhe Nuri Ametin -Capri. Ahmeti ka theksuar se kjo ditë përfaqëson një moment të rëndësishëm reflektimi dhe nderimi për ata që kanë kontribuar në lirinë dhe dinjitetin kombëtar, duke vlerësuar sakrificën e tyre si pjesë të pandashme të historisë së shqiptarëve. Sipas tij, kujtimi i dëshmorëve mbetet i gjallë dhe shërben si frymëzim i përhershëm për brezat e rinj, në ruajtjen e vlerave kombëtare dhe historike. Në përmbyllje të mesazhit të tij, Ahmeti ka theksuar respektin dhe mirënjohjen për të gjithë ata që kanë rënë për lirinë e kombit shqiptar.
