Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Aleancës për Ardhmërinë e Kosovës, Besnik Tahiri, ka kritikuar ashpër veprimet e qeverisë në detyrë të udhëhequr nga Albin Kurti, duke i cilësuar si tejkalim të kompetencave ligjore dhe rrezik për rendin institucional në vend. Tahiri thekson se një qeveri në dorëheqje ka kompetenca të kufizuara, të përcaktuara qartë me Ligjin për Qeverinë, duke iu referuar nenit 31 që ndalon inicimin e procedurave të reja për emërime në pozita publike gjatë kësaj periudhe tranzicioni. Sipas tij, kjo ndalesë vlen edhe pas shpërndarjes së Kuvendit, deri në formimin e një qeverie të re me legjitimitet të plotë demokratik. Ai shpreh shqetësim për shpalljen e konkurseve për rreth 20 pozita të larta udhëheqëse nga qeveria në detyrë, duke e cilësuar këtë si veprim që bie ndesh me kufizimet ligjore dhe frymën e tranzicionit institucional. “Këto veprime krijojnë perceptimin e kapjes së institucioneve në një moment kur vendimet duhet t’i takojnë legjitimitetit të ri,” ka deklaruar Tahiri. Në fund, ai ka theksuar se respektimi i ligjit nuk është çështje zgjedhjeje politike, por detyrim kushtetues për çdo institucion dhe bartës të pushtetit.
