Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipe Selimi ka deklaruar se vendimi për ish-krerët e Ushtrisë Çlirimtare të Kosovës në gjykaten speciale në Kosovë mund të shtyhet edhe më tej, madje deri në vjeshtën e këtij viti. Ajo ka komentuar shtyrjen e fundit të afatit për shpalljen e aktgjykimit deri më 20 korrik, duke vlerësuar se kjo mund të lidhet edhe me zhvillimet politike në Kosovë dhe procesin zgjedhor në vend. Sipas saj, mbrojtja e të akuzuarve është përballur me vështirësi dhe, siç u shpreh ajo, me mungesë bashkëpunimi të mjaftueshëm nga gjykata, duke ngritur shqetësime për shkelje të të drejtave procedurale. Ajo gjithashtu ka pretenduar se procesi kërkon më shumë kohë për shqyrtimin e materialeve voluminoze të dorëzuara nga prokuroria, të cilat i ka cilësuar si të ndikuara nga faktorë të jashtëm. Selimi ka shtuar se vendimi përfundimtar mund të mos merret as në korrik, por të shtyhet deri në vjeshtë, duke e lënë procesin edhe më gjatë në pritje.
