Në Ferizaj shënohet Dita Ndërkombëtare e Infermierisë, vlerësohet roli i infermierëve në shoqëri

12/05/2026 Institucionet

Me rastin e 12 Majit – Ditës Ndërkombëtare të Infermierisë, gjatë ditës së sotme është mbajtur një ligjëratë e organizuar nga Qendra Kryesore e Mjekësisë Familjare në Ferizaj.

Në këtë aktivitet morën pjesë nënkryetari i komunës Lulzim Aliu, drejtori i Shëndetësisë dhe Mirëqenies Sociale Kemajl Emini, drejtoresha e QKMF-së Nadire Ymeri, si dhe mysafirë të shumtë.

Me këtë rast, nënkryetari Lulzim Aliu shprehu mirënjohje dhe respekt të veçantë për infermierët dhe infermieret, të cilët çdo ditë kontribuojnë me përkushtim në ruajtjen e jetës dhe shëndetit të qytetarëve.

Në fjalën e tij, ai theksoi se puna e infermierëve mbetet një nga misionet më humane dhe më fisnike në shoqëri, duke vlerësuar angazhimin, profesionalizmin dhe sakrificën e tyre të vazhdueshme në shërbim të pacientëve.

Po ashtu, nënkryetari Aliu falënderoi të gjithë profesionistët shëndetësorë për rolin e tyre të pazëvendësueshëm në sistemin shëndetësor dhe në kujdesin ndaj qytetarëve.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara