Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Socialdemokrate, Dardan Molliqaj, ka deklaruar se partia e tij mbështet idenë e krijimit të një qeverie të përkohshme dhe kalimtare nga partitë opozitare, nëse ato arrijnë të sigurojnë shumicën parlamentare. Molliqaj tha se një qeveri e tillë duhet të ketë mandat minimal prej dy vitesh dhe të fokusohet në çështje të rëndësishme shtetërore. “Partitë opozitare, nëse e krijojnë shumicën, PSD mendon se duhet të krijohet një qeveri e përkohshme e kalimtare me një mandat 2-vjeçar minimum”, u shpreh ai. Molliqaj ngriti si një nga çështjet kryesore procesin e ardhshëm të zgjedhjes së gjyqtarëve të Gjykatës Kushtetuese, duke paralajmëruar për, siç tha ai, ndikimin politik në këtë institucion. Sipas tij, një zgjidhje e mundshme do të ishte një ekzekutiv me përbërje jopartiake, që do të kishte mbështetjen e opozitës nëse sigurohet shumica parlamentare.
