Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Lidhjes Demokratike të Kosovës për deputet, Arben Gashi, ka shpërndarë një mesazh publik ku thekson rëndësinë e përfaqësimit cilësor në institucionet e vendit dhe përgjegjësinë që, sipas tij, duhet të kenë përfaqësuesit politikë. Ai u bëri thirrje qytetarëve që të vlerësojnë me kujdes listën prej 110 kandidatëve të LDK-së, duke përzgjedhur individë që kanë, siç u shpreh ai, karakter, dije dhe guxim për të përfaqësuar interesin publik. Gashi theksoi se procesi zgjedhor nuk duhet të udhëhiqet nga emocionet, por nga një qasje e matur dhe afatgjatë ndaj zhvillimit të shtetit dhe institucioneve demokratike. Sipas tij, Kuvendi i Kosovës duhet të jetë hapësirë e dinjitetit dhe përfaqësimit të përgjegjshëm, ndërsa LDK-ja mbetet një alternativë për drejtimin e vendit. “Kosova nuk ka nevojë për zëra të rastësishëm. Ka nevojë për përfaqësues autentikë, vizionarë dhe njerëz që e ndiejnë shtetin si amanet”, ka deklaruar Gashi.
