Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Bedri Hamza, ka bërë me dije se kjo parti është e hapur për Fatmir Limajn. Në një deklarim publik, Hamza u shpreh se me Limajn njihet prej më shumë se dy dekadash dhe se raportet personale mes tyre nuk kanë pasur asnjëherë luhatje. Ai tha se pret mbështetjen e Limajt për zgjedhjet e 7 qershorit, duke shtuar se bashkimi i forcave politike do ta forconte edhe më shumë opozitën. “Jam i bindur se jemi bashkë me Limajn dhe pres që ai ta japë mbështetjen e vet”, deklaroi Hamza, duke lënë të kuptohet se komunikimi dhe afërsia politike mes tyre vazhdon të mbetet e fortë. Po ashtu, kreu i PDK-së ka bërë të ditur se Limaj është i mirëpritur në proceset e ardhshme zgjedhore brenda partisë, duke përmendur mundësinë e përfshirjes së tij në garat e brendshme për strukturat drejtuese të PDK-së. Sipas Hamzës, bashkimi i figurave politike me përvojë dhe mbështetje qytetare do të ishte një hap i rëndësishëm drejt fuqizimit të spektrit politik opozitar në Kosovë.
