Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kevin Hamilton ka deklaruar nga Prishtina se NATO posedon informacione për personat e përfshirë në sulmin e armatosur në Banjskë, duke kërkuar nga Serbia që autorët të përballen me drejtësinë. Gjatë një takimi me gazetarët në Kosovë, Hamilton theksoi se trajtimi serioz i rastit dhe ndjekja penale e përgjegjësve mbetet element i rëndësishëm në raportet ndërmjet Beogradit dhe NATO-s. Ai nënvizoi se përgjegjësia për sulmin nuk mund të anashkalohet dhe se stabiliteti në rajon kërkon llogaridhënie dhe bashkëpunim institucional. Vizita e Hamiltonit në Kosovë shënon herën e parë që ai qëndron në vend në cilësinë e zëvendësndihmëssekretarit të përgjithshëm për partneritete në NATO, në një periudhë kur siguria dhe zhvillimet në veri vazhdojnë të mbeten temë e rëndësishme për aleancën perëndimore.
