Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bedri Hamza ka pritur në takim ambasadorin e Francë në Kosovë, Olivier Guérot, me të cilin ka diskutuar për zhvillimet politike në vend dhe përgatitjet për zgjedhjet e 7 qershorit. Gjatë takimit, Hamza ka theksuar nevojën që Kosova të dalë nga krizat e vazhdueshme politike dhe ekonomike, të cilat sipas tij kanë ndikuar drejtpërdrejt në jetën e qytetarëve. “Diskutuam edhe për nevojën që Kosova të tejkalojë klimën e krizave të vazhdueshme, të cilat kanë ndikuar negativisht në gjendjen ekonomike dhe mirëqenien e familjeve kosovare”, ka deklaruar Hamza. Ai ka rikonfirmuar gjithashtu angazhimin e Partia Demokratike e Kosovës për një proces zgjedhor demokratik dhe në përputhje me standardet ndërkombëtare. “Rikonfirmova angazhimin e Partisë Demokratike të Kosovës për një proces zgjedhor në përputhje me standardet më të larta demokratike”, u shpreh ai. Në fund, Hamza falënderoi ambasadorin Guérot për mbështetjen e vazhdueshme që Franca i ka dhënë Kosovës në rrugëtimin e saj euroatlantik dhe demokratik.
