Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Blerim Canaj ka kritikuar ashpër Lëvizja Vetëvendosje dhe partitë opozitare, duke deklaruar se diaspora është manipuluar emocionalisht nga partia në pushtet, ndërsa opozita nuk po e ka seriozisht largimin e Albin Kurti nga pushteti. Canaj tha se diaspora, për shkak të lidhjes së fortë emocionale me Kosovën, është më e ndjeshme ndaj ndikimeve politike. “Diaspora duke qenë larg emocionalisht është më shumë e lidhur me vendin, më e frikësuar për vendin, për atë çka mundet me gjetë, që i bie emocionalisht mund të manipulohet më lehtë edhe këtë e ka bërë jashtëzakonisht perfekt Vetëvendosja”, deklaroi ai. Sipas Canajt, LVV-ja ka ndërtuar ndër vite një perceptim negativ për gjendjen në Kosovë, duke përmendur korrupsionin, hajninë dhe degradimin e shtetit. “Janë shkuar kanë krijuar një perceptim hajnia, korrupsioni, po e shkatërrojnë shtetin edhe ata tani e ndiejnë vetën si mbrojtje prej asaj. E kanë irritu diasporën”, u shpreh ai. Për opozitën ai tha se: “Problemi është se betejat i kanë mes vete, nuk është duke i interesuar a po fiton Albin Kurti apo jo, por unë të dal më mirë. Këta janë duke luftuar për t’u bërë deputetë. E kishin rrëzuar Albin Kurtin, por nuk e kanë seriozisht”, tha Canaj.
