Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Francës, Emmanuel Macron, ka mbërritur në Mali i Zi në prag të Samitit BE–Ballkani Perëndimor, i cili do të mbahet më 5 qershor dhe pritet të fokusohet në procesin e zgjerimit të Bashkimit Evropian dhe reformat në rajon. Macron u prit në aeroport nga presidenti i Malit të Zi, Jakov Milatoviç, i cili e cilësoi vizitën si një ngjarje me peshë të veçantë politike dhe simbolike për marrëdhëniet mes dy vendeve. Sipas Milatoviqit, vizita e presidentit francez përfaqëson një konfirmim të miqësisë ndërmjet Malit të Zi dhe Francës, si dhe një mbështetje të rëndësishme për rrugën evropiane të Podgoricës. “Mali i Zi ka një detyrë për të përfunduar punën. Institucionet duhet të jenë të forta, reformat konkrete dhe qytetarët duhet të ndiejnë se e ardhmja evropiane nuk është një mesazh i largët politik, por një rrugë drejt një shteti më të rregullt, më të drejtë dhe më të fortë”, ka shkruar Milatoviq në platformën X. Samiti i së premtes pritet të mbledhë liderë të vendeve të Ballkanit Perëndimor dhe përfaqësues të lartë të Bashkimit Evropian, në një kohë kur integrimi evropian i rajonit mbetet një nga temat kryesore të agjendës politike evropiane.
