Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e rizgjedhur e Lidhjes Demokratike të Kosovës, Doarsa Kica-Xhelili, ka ironizuar kryeministrin në detyrë, Albin Kurti, pas një deklarate të tij lidhur me motin. Duke komentuar fjalët e Kurtit se “nëse ankoheni shumë për diell, mundet edhe me ra shi”, Kica-Xhelili tha se kryeministri vazhdon t’i presë zgjidhjet nga qielli dhe jo nga puna e institucioneve. “Moti e kam kuptu që ky zgjidhjet i pret nga qielli!”, shkroi ajo. Deputetja e LDK-së e vazhdoi ironinë edhe më tej, duke aluduar se çdo ndryshim i motit mund të paraqitet si sukses i qeverisë. “Besoj për pak del ndonjë zyrtar i tij e na tregon si kryeministri paska mendu që shiu pas diellit është bereqet, e nëse rastësisht bie, është arritje e Qeverisë”, shkroi Kica-Xhelili. Reagimi i saj vjen në kuadër të përplasjeve të vazhdueshme politike mes LDK-së dhe Lëvizjes Vetëvendosje, ndërsa deklarata e Kurtit ka nxitur komente dhe interpretime të ndryshme në rrjetet sociale.
