Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i të ashtuquajturës Zyrë për Kosovën në Qeverinë e Serbisë, Petar Petkovic, ka dalë publikisht në mbrojtje të Milan Radoiçiç, të cilin autoritetet e Kosovës e kanë identifikuar si organizatorin kryesor të sulmit terrorist të 24 shtatorit 2023 në Banjskë. Petkoviq i cilësoi si “të ulëta dhe të turpshme” akuzat e opozitës serbe ndaj Radoiçiqit, duke hedhur përgjegjësinë për zhvillimet në veri të Kosovës te kryeministri në detyrë, Albin Kurti. Ai sulmoi edhe opozitarin serb Miroslav Aleksië, pas kritikave të këtij të fundit ndaj Radoiçiqit, duke deklaruar se “një patriot serb nuk e dëbon popullin e vet, por lufton për të me zemër e me shpirt”. Deklarata e Petkoviqit konsiderohet si një mbështetje e hapur politike nga Beogradi zyrtar për Radoiçiqin, i cili ka pranuar publikisht se ka organizuar dhe udhëhequr përgatitjet logjistike të sulmit të armatosur në Banjskë, ku mbeti i vrarë rreshteri i Policia e Kosovës, Afrim Bunjaku. Pavarësisht pranimit të përgjegjësisë, Radoiçiq vazhdon të jetë i lirë në Serbi dhe nuk është përballur me ndjekje penale nga autoritetet serbe. Ndërkohë, NATO dhe bashkësia ndërkombëtare kanë kërkuar vazhdimisht që ai të sillet para drejtësisë dhe Serbia të mbajë përgjegjësi për sulmin terrorist në Banjskë.
