Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata ka dënuar me katër muaj burgim Eqrem Avdullahun, pasi u shpall fajtor për kërcënim ndaj kryetarit të Organizatës së Veteranëve të Luftës së UÇK-së, Hysni Gucati. Pas shpalljes së aktgjykimit, Gucati e ka mirëpritur vendimin e organit të drejtësisë, duke bërë thirrje për më shumë përgjegjësi gjatë komunikimit në hapësirën digjitale. “Të kenë kujdes në rrjetet sociale, të mos fyejnë më, të mos shkruajnë pa bazë dhe të mos ofendojnë pa fakte e pa argumente asnjë njeri, sepse nuk ka nevojë,” deklaroi Gucati për mediat. Kreu i OVL-UÇK-së bëri të ditur se ky rast nuk është i izoluar, pasi ka ngritur padi edhe ndaj 17 personave të tjerë për vepra të ngjashme. Sipas tij, pjesa më e madhe e të paditurve janë qytetarë që jetojnë dhe veprojnë në diasporë, kryesisht në Gjermani dhe Zvicër. Gucati theksoi se ky vendim duhet të shërbejë si precedent për parandalimin e gjuhës së urrejtjes dhe kërcënimeve në rrjetet sociale.
