Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas të dhënave të Institutit të Krimeve të Kryera Gjatë Luftës në Kosovë të raportit, në mesin e viktimave janë 1.047 fëmijë të moshës nga 0 deri në 17 vjeç, 94 fëmijë që humbën jetën si pasojë e kushteve të luftës, ndërsa për fatin e 100 fëmijëve të zhdukur me dhunë ende nuk dihet. Raporti evidenton se periudha më e rëndë e luftës ishte nga marsi deri në qershor të vitit 1999. Vetëm gjatë këtyre muajve janë vrarë 9.948 persona, ose rreth 81.3 për qind e të gjitha viktimave të dokumentuara. Drejtori i Institutit sqaroi se raporti përfshin tri kategori të viktimave: personat e vrarë, personat e zhdukur me dhunë dhe ata që kanë vdekur si pasojë e kushteve të luftës. Në fjalën e tij, Kurti u ndal edhe te gërmimet që kanë nisur në Kalludër të Zubin Potokut, ku dyshohet për ekzistimin e një varreze masive. Ai tha se kërkimet dëshmojnë se për shumë familje lufta ende nuk ka përfunduar, pasi vazhdojnë të kërkojnë fatin e më të dashurve të tyre. Kryeministri në detyrë kritikoi Serbinë për moshapjen e arkivave shtetërore, duke i bërë thirrje bashkësisë ndërkombëtare që të rrisë presionin ndaj Beogradit për zbardhjen e fatit të personave të zhdukur dhe dokumentimin e plotë të krimeve të luftës.
