Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova prej më shumë se dy vitesh nuk ka asnjë kontratë aktive lobimi në Shtetet e Bashkuara të Amerikës, një ndryshim i madh krahasuar me periudhat e mëparshme kur angazhimi i firmave lobuese në Uashington ishte pjesë e rëndësishme e politikës së jashtme të Prishtinës. Sipas të dhënave nga regjistri amerikan për agjentët e huaj, që nga qershori i vitit 2024, Kosova nuk figuron me ndonjë marrëveshje aktive me kompani private lobimi në SHBA. Kjo situatë ka nxitur debate nëse mungesa e lobimit privat e ka dobësuar pozitën e Kosovës në kryeqendrën amerikane, veçanërisht në një periudhë kur marrëdhëniet me Uashingtonin po përballen me sfida të reja politike dhe diplomatike. Por një tjetër qasje vjen nga ish-zyrtarja e Këshillit të Sigurisë Kombëtare të SHBA-së, Robin Brooks, e cila vlerëson se diplomacia nuk duhet t’u lihet në dorë firmave private. Sipas saj, lobistët mund të sjellin probleme të transparencës dhe konflikte interesi, pasi nuk përfaqësojnë gjithmonë interesat strategjike të një shteti. “Në diplomaci do të preferoja të punoja me një diplomat që përfaqëson drejtpërdrejt qeverinë e vendit të tij”, ka thënë Brooks.
