Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Afrohet data kur pritet të përfundojë në shkallë të parë procesi gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit në Hagë. Për shpalljen e aktgjykimit kanë mbetur edhe 13 ditë. Veterani i luftës, Nasim Haradinaj, beson se përfundimi i procesit do të pasohet nga kthimi i tyre në Kosovë. Në një intervistë në Klan Kosova, Haradinaj tha se afrimi i ditës së vendimit ia ka forcuar bindjen se ish-krerët e UÇK-së së shpejti mund të jenë në Kosovë. Ai e ka paraqitur këtë proces si një çështje që, sipas tij, shkon përtej figurave individuale dhe përkatësive politike, duke e lidhur atë me periudhën e luftës dhe zhvillimet që kanë përcaktuar historinë e Kosovës. “Unë mendoj se i ka ardhur fundi, sepse çdo gjë e ka një fund. Dhe dita-ditës që këto ditë zvogëlohen, unë për ditë e më tepër jam i bindur që ata do t’i kemi këtu”, deklaroi Haradinaj për Klan Kosovën.
