Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i Lartë i Bordit të Paqes për Gazën, bullgari Nickolay Mladenov, ka përshëndetur marrëveshjen e nënshkruar të hënën në Prishtinë, përmes së cilës Forca e Sigurisë së Kosovës (FSK) zyrtarisht përfshihet në Forcën Ndërkombëtare të Stabilizimit për Gazën. Mladenov e ka vlerësuar vendimin e Kosovës si një kontribut në përpjekjet ndërkombëtare për zbatimin e Planit Gjithëpërfshirës për Gazën, duke i shprehur mirëseardhje Kosovës në këtë forcë. “Mirënjohës ndaj Kosovës për bashkimin me Forcën Ndërkombëtare të Stabilizimit për Gazën. Kontributi juaj është një angazhim i qartë për zbatimin e Planit Gjithëpërfshirës. Mirë se vini, Kosovë!”, ka shkruar Mladenov në platformën X. Përfshirjen e FSK-së në këtë mision e kishte bërë të ditur të hënën edhe vetë Forca e Sigurisë së Kosovës.
