Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Studentët e universiteteve publike të Kosovës kanë marshuar sot nga Qendra e Studentëve drejt sheshit “Skënderbeu” në Prishtinë, në shenjë kundërshtimi ndaj aktgjykimit të gjykatës speciale në Hagë ndaj katër ish-krerëve të UÇK-së. Gjatë marshit, studentët nga Prishtina, Prizreni dhe Peja përcollën mesazhe në mbështetje të ish-drejtuesve të UÇK-së dhe theksuan se lufta për çlirimin e Kosovës dhe sakrifica e atyre që luftuan nuk mund të shkëputen nga liria në të cilën jeton gjenerata e re. Studenti nga Prishtina, Donart Humolli, tha se asnjë gjykatë dhe asnjë vendim nuk mund ta ndryshojë mënyrën se si rinia e Kosovës i sheh çlirimtarët. Nga Prizreni, Riard Bislimaj tha se kjo gjeneratë nuk e ka përjetuar luftën, por lirinë e sotme e ka trashëguar nga sakrifica e atyre që luftuan para tyre. Edhe studentët nga Peja iu bashkuan marshit, ndërsa përfaqësuesi i tyre, Leart Hysaj, tha se studentët do të jenë të bashkuar për të mbrojtur atë që e konsiderojnë si luftën çlirimtare të Kosovës. Në marsh ishte i pranishëm edhe Altini djali i Jakup Krasniqit, i cili iu bashkua studentëve. Pas përfundimit të marshit, studentët u shpërndanë të qetë.
