Në nderim të dëshmorëve Gursel e Bajram Sylejmani u bënë homazhe në Viti dhe Sadovinë të Jerlive

28/09/2026 Institucionet

Në 28-vjetorin e rënies së dëshmorëve të Ushtrisë Çlirimtare të Kosovës, Gursel dhe Bajram Sylejmani, kryetari i Komunës së Vitisë, Sokol Haliti, u ka prirë homazheve në nderim të veprës dhe sakrificës së tyre për lirinë e Kosovës.

Homazhe u bënë para busteve të dëshmorëve Gursel e Bajram Sylejmani, të vendosura para Shtëpisë së Kulturës në Viti, e cila mban emrin e dy vëllezërve dëshmorë.

Në nderim të tyre homazhe bën udhëheqës komunalë, përfaqësues të institucioneve të tjera, përfaqësues të Organizatës së Veteranëve të Luftës së UÇK-së, familje të dëshmorëve, pjesëtarë të Policisë së Kosovës, përfaqësues të subjekteve politike, si dhe qytetarë të shumtë.

Homazhet vazhduan edhe në kompleksin memorial të dëshmorëve në vendlindjen e tyre, në Sadovinë të Jerlive, ku u nderua kujtimi për dy vëllezërit që ranë më 28 shtator 1998.

Të pranishmit vlerësuan lart sakrificën e Gursel dhe Bajram Sylejmanit, duke theksuar se kujtimi për dëshmorët dhe veprën e tyre mbetet pjesë e rëndësishme e historisë së Kosovës dhe e kujtesës së brezave.

Kontrolloni gjithashtu

Kuvendi i Prishtinës miraton deklaratën e përbashkët kundër dënimit të çlirimtarëve

Në Kuvendin Komunal të Prishtinës është votuar deklarata e përbashkët “Jo në emrin tim”, “Drejtësi …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara