Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i misionit të KFOR-it në Kosovë, gjeneralmajor Roberto Vergori, është takuar me ministrin e Mbrojtjes së Shqipërisë, Ermal Nufi, me të cilin ka diskutuar për bashkëpunimin në fushën e sigurisë dhe rëndësinë e ruajtjes së stabilitetit në rajon. Lajmi është bërë i ditur nga KFOR-i përmes një njoftimi zyrtar, ku thuhet se takimi shërbeu për vendosjen e kontakteve të drejtpërdrejta ndërmjet dy zyrtarëve, pas emërimit të Vergorit në krye të misionit paqeruajtës të NATO-s në Kosovë. Gjatë takimit, Vergori dhe Nufi shkëmbyen pikëpamje për bashkëpunimin dhe riafirmuan përkushtimin e tyre të përbashkët për ruajtjen e paqes dhe forcimin e bashkëpunimit ndërkombëtar. Sipas njoftimit, vëmendje e veçantë iu kushtua rëndësisë së koordinimit për garantimin e një mjedisi të sigurt për të gjitha komunitetet që jetojnë në Kosovë, si dhe për ruajtjen e stabilitetit në të gjithë Ballkanin Perëndimor. KFOR-i vazhdon të kryejë misionin e tij në Kosovë, në përputhje me mandatin e përcaktuar nga Rezoluta 1244 e Këshillit të Sigurimit të Kombeve të Bashkuara, duke kontribuar në një mjedis të sigurt dhe lirinë e lëvizjes për të gjitha komunitetet.
