Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Daut Haradinaj ka reaguar ashpër ndaj paraqitjes së Glauk Konjufcës në Këshillin e Sigurimit të OKB-së, duke e cilësuar atë si një moment poshtërues për Kosovën dhe duke ngritur shqetësime për mënyrën se si po paraqitet lufta çlirimtare para opinionit ndërkombëtar. Haradinaj ka shprehur indinjatën e tij për atë që e konsideron dështim në mbrojtjen e së vërtetës historike të Kosovës, duke pretenduar se paraqitja e vendit para botës po krijon një perceptim të padrejtë për popullin shqiptar dhe luftën për liri. “Një Kosovë e poshtëruar deri në këtë pikë kurrë s’e kam prit. Bota po na sheh çuditshëm, sikur na kemi vra e pre popuj, pa e thënë të vërtetën për luftën dhe gjakderdhjen tonë për liri. Marre, Glauk! Kurrë s’kemi me u ndalë deri te e vërteta jonë, o të pafytyrë!”, ka shkruar Haradinaj. Në reagimin e tij, ai i është drejtuar edhe Partisë Demokratike të Kosovës me pyetjen: “PDK, a jeni kund…?”, duke ngritur pikëpyetje për qëndrimin e saj ndaj zhvillimeve të fundit. Reagimi i Haradinajt rikthen në vëmendje debatin politik për mënyrën se si institucionet e Kosovës e mbrojnë historinë e luftës çlirimtare në arenën ndërkombëtare dhe për përgjegjësinë e përfaqësuesve shtetërorë për të kundërshtuar çdo paraqitje që konsiderohet e njëanshme apo e padrejtë ndaj Kosovës.
