Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Partisë Demokratike të Kosovës, Faton Abdullahu, i ka kërkuar Presidentes që në hapësirat e Presidencës të vendoset edhe flamuri i Ushtrisë Çlirimtare të Kosovës. Përmes një reagimi publik, Abdullahu ka thënë se ky veprim do të ishte shenjë e mirënjohjes institucionale për UÇK-në, të cilën e ka cilësuar si pjesë të themeleve të shtetit të Kosovës. Ai ka publikuar edhe një fotografi të montuar me ndihmën e inteligjencës artificiale, përmes së cilës ka paraqitur propozimin e tij për vendosjen e emblemës së UÇK-së në ambientet e Presidencës. Abdullahu ka theksuar se një simbol i tillë do të kishte domethënie të veçantë në kohën kur qytetarët po presin vendimet e para të Gjykatës Speciale ndaj ish-krerëve të UÇK-së. Në fund të reagimit, ai i është drejtuar drejtpërdrejt Presidentes me thirrjen: “Bëje këtë, Presidente!”
