Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Ish pjesëtari i UÇK-së, tani drejtor i Policisë së Kosovës për rajonin e Mitrovicës, Nehat Thaçi, është arrestuar sot në mëngjes nga policia e Serbisë duke kaluar kufirin Kosovë-Serbi, tek vendi i quajtur Dheu i Bardhë.
Mësohet se ai me disa persona tjerë po shkonte në qytetin e Nishit të Serbisë për një gjykim. Burime të KosovaPressit bëjnë të ditur se ndaj Thaçit ka ekzistuar një fletarrest nga shteti i Serbisë që nga viti 1999, për shkak të pjesëmarrjes së tij në luftën e fundit në Kosovë.
KosovaPress-i ka provuar të kontaktojë me drejtorin e policisë për rajonin e Mitrovicës, Nehat Thaçi, por telefoni i tij ka qenë i mbyllur.
Policia në Prishtinë e ka konfirmuar arrestimin e Thaçit në Serbi por pa dhënë shumë detaje. /KosovaPress/