Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të PDK-së, Zenun Pajaziti, gjatë interpelancës së kryeministrit të Kosovës, Isa Mustafa për veriun ka theksuar se veriu është sfida kryesore e vendit. “Veriu mbetet sfida kryesore në vend, debati është shumë pozitiv për qytetarët e vendit. Ne sfidohemi në funksionalizimin e jetës në veri. Dialogu duhet të jetë alternativa e vetme për normalizimin e veriut, që të rregullojmë jetën e njerëzve atje. Procesi i shtet ndërtimit nuk mundet që menjëherë të mënjanojë padrejtësitë historike që i janë bërë Kosovës”. Problem serioz është kontrabanda në veri, për çka ka kërkuar angazhim më të madh institucional. Ai gjithashtu ka thënë se përfshirja e serbëve dhe shqiptarëve në veri duhet të jetë më e madhe.“Zhvillimi i demokracisë dhe prania e qytetarëve në jetën publike të serbëve dhe shqiptarëve. Marrëveshjet janë elementi kryesor i zhvillimit të jetës në veri”, vlerëson Pajaziti.
