Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e Kosovës dhe të Bashkimit Evropian po përpiqen për t’i përafruar qëndrimet përkitazi me vazhdimin e mandatit të EULEX-it. Vendimmarrja për të dyja çështjet ka kaluar në nivelin më të lartë politik. Prishtina zyrtare dhe Brukseli janë duke zhvilluar negociatat për mandatin pa afat të caktuar të EULEX-it. Për të diskutuar aspektet finale rreth mandatit, në fund të javës së shkuar ka qëndruar në Kosovë shefi i Operacioneve Civile të BE-së, Keneth Din. Bashkë me shefin e Zyrës së BE-së në Kosovë, Samuel Zbogar, dhe me shefin e EULEX-it, Gabrielle Meuçi, ka takuar autoritetet kryesore. Një takim me titullarët e institucioneve të drejtësisë është zhvilluar në zyrën e kryetari, Hashim Thaçi. Aty kanë marrë pjesë edhe kryeparlamentari Kadri Veseli, kryeministri Isa Mustafa, ministri i Drejtësisë, Hajredin Kuçi, ministri i Punëve të Brendshme, Skënder Hyseni, kryetari i Gjykatës Supreme, Fejzullah Hasani, kryeprokurori Aleksandër Lumezi, si dhe përfaqësues të Këshillit Gjyqësor dhe të atij Prokurorial.
