Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një Gjykatë e Beogradit i ka caktuar 30 ditë paraburgim shqiptarit nga Kosova, Hilmi Kelmendi, të cilin e ka arrestuar policia e Serbisë, derisa ai nga Gjermania po kthehej në Kosovë. Familjarët e të arrestuarit kanë bërë të ditur se Prokuroria e Serbisë e ka akuzuar për gjoja krime lufte. Hilmiu, i cili po mbahet në qendrën e paraburgimit në Beograd, për shumë vjet kishte qëndruar në Gjermani, por ende nuk e kishte fituar shtetësinë. Për këtë rast, ka reaguar vetëm Ministria e Jashtme e Kosovës e cila u ka bërë thirrje shqiptarëve të Kosovës që të shmangin kalimin nëpër Serbi, sepse mund të arrestohen. Kjo ministri kohë më parë kishte kërcënuar se do të marrë masa reciproke ndaj Serbisë, por nga kërcënimi i fortë, tani këshillon qytetarët e Kosovës të mos rrugëtojnë nëpër Serbi.
