Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtypi në Shtetet e Bashkuara të Amerikës bën të ditur se administrata e kryetarit, Barak Obama, po përgatitet të ndërmarrë një seri masash kundër Rusisë për ta ndëshkuar këtë vend për ndërhyrjen në zgjedhjet e 8 nëntorit. Sipas gazetës “Uashington Post” zyrtarë amerikanë janë shprehur se këto masa mund të jenë sanksione ekonomike dhe diplomatike. Rusia i ka mohuar akuzat se kryetari Putin është përfshirë personalisht në hakerimin që i kushtoi me humbjen e zgjedhjes së demokrates, Hillary Clinton. Kryetari i zgjedhur Donald Trump në mënyrë të vazhduar ka mohuar këtë ndërhyrje të Rusisë. Ndërkohë, senatori i njohur republikan Lindsey Graham tha se Rusia ndërhyri në zgjedhjet e fundit presidenciale amerikane dhe për këtë duhet t’i vendosen sanksione të ashpra.
