Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Integrimit Evropian, Mimoza Ahmetaj është takuar sot me ambasadorin e Britanisë në Kosovë, Ruairi O’Connell. Ajo falënderoi ambasadorin O’Connell për bashkëpunimin dhe mbështetjen e vazhdueshme që ka ofruar Britania për Kosovën në zhvillimin e vendit dhe përkrahjen në arenën ndërkombëtare, në veçanti gjatë negociatave për Marrëveshjen e Stabilizim-Asociimit dhe për të avancuar në tërësi agjendën evropiane. Ata diskutuan për zhvillimet në kuadër të procesit të Integrimit Evropian, zhvillimet aktuale nëpër të cilat po kalojnë institucionet dhe shoqëria e Kosovës me implementimin e MSA-së, proceset që ndërlidhen me agjendën evropiane, nga zhvillimi i politikave gjeostrategjike , zhvillimet në rajon dhe deri tek lëvizja e lirë e qytetarëve të vendit. Ambasadori O’Connell i konfirmoi ministres përkrahjen e fuqishme të Britanisë së madhe për Kosovën në arenën ndërkombëtare, në procesin e shtetndërtimit dhe avancimit në marrëdhëniet e jashtme.
