DRC vazhdon realizimin me sukses të projekteve në Mitrovicë

07/04/2017 Institucionet

Menaxherja e projekteve të  DRC-së në Mitrovicë, Jasmina Dalipoviq, me bashkëpunëtorë është pritur nga nënkryetarit i komunës së Mitrovicës, Faruk Mujka, me ç’rast kanë biseduar për bashkëpunimin e deritashëm dhe mundësitë e bashkëpunimit të mëtutjeshëm. Pasi e kanë vlerësuar si të suksesshëm bashkëpunimin e deritashëm dhe janë shprehur të gatshëm për të vazhduar dhe thelluar akoma këtë bashkëpunim në të ardhmen, zonja  Dalipoviq e ka njoftuar fillimisht nënkryetarin Mujka për aktivitetet e përditshme të DRC-së në Shkollën Mësimore dhe në Inkubatorin Social te Biznesit në Lagjen e Romeve.

Ajo ka thënë në vazhdim se aktualisht është duke punuar në rregullimin, përkatësisht riparimin e ndërtesës së Shkollës Mësimore (ish Shkolla e bujqësisë) dhe kompleksin e Inkubatorit Social të Biznesit të DRC-së në Lagjen e Romëve.

Po ashtu, zonja Dalipoviq ka folur edhe për aktivitetet përgatitëse për fushatën  për Ditën e romëve, që është më  8 prill dhe për Ditën e Tokës, 22 Prillin, si dhe për aktivitete të tjera, të cilat i zhvillon DRC-ja në Mitrovicë e për të cilat ka thënë se po zhvillohen pa probleme e sipas dinamikës së paraparë.

Nënkryetari Mujka, pasi e ka përshëndetur zonjën Dalipoviq për punën që është duke e bërë me bashkëpunëtorët e saj në të mirë të qytetarëve të komunës së Mitrovicës, sidomos të atyre të komuniteteve pakicë, ka thënë se komuna është e interesuar që këto projekte të realizohen me sukses.

“Më vjen mirë që po dëgjoj për punë të palodhshme e aktivitete të suksesshme të stafit të DRC-së në realizimin e projekteve në Mitrovicë. Ju e keni pas dhe do ta keni mbështetjen e fuqishme të institucioneve komunale dhe jemi të gatshëm në çdo kohë që të kryejmë punët tona që neve na takojnë”, tha ndër të tjera nënkryetari Mujka.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara