Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjashtë karvane me nga 20 automjete luftarake sot në vendkalimin kufitar “Deve Bair” nga Bullgaria në Maqedoni do të hyjnë 300 pjesëtarë të Forcave të armatosura të Shteteve të Bashkuara të Amerikës, të cilët do të marrin pjesë në stërvitjen e përbashkët me Armatën e Republikës së Maqedonisë “DRAGOON GUARDIAN 17”. Ekspertët e sigurisë thonë se ardhja e konvojit të ushtrisë amerikane, nuk është thejshtë për pjesëmarrje në stëritjen ushtarake, por ka edhe domethënie simbolike dhe paraqet porosi të qartë se Amerika nuk do të lejojë shtrirjen e ndikimi rus në Maqedoni. Në Kumanovë pas pjesës zyrtare të fillimit të stërvitjes e cila do të zhvillohet në Poligonin e Armatës “Krivollak” si dhe në disa qytete në Maqedoni do të prezentohen një pjesë e automjeteve ushtarake amerikane. Në kuadër të bashkëpunimit civilo-ushtarak, nesër e pasnesër automjetet do të prezentohen në Shkup, Shtip dhe Veles me ç’rast përmes interaksionit të popullatës lokale krahas prezentimit do të realizohen sesione të fitnesit si dhe gara për fëmijë. Më 31 gusht në Krivollak do të mbahet Ditë e hapur për mysafirë të lartë dhe media. Më 3 dhe 4 gusht vazhdojnë aktivitetet me bashkëpunimin civilo-ushtarak në Strumicë dhe Strugë ku krahas prezentimit të pajisjes do të mbahet edhe ndeshje futbolli midis pjesëtarëve të dy armatave me klubin lokal.
