Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në amfiteatrin e Bibliotekës Kombëtare, “Pjetër Bogdani”, në Prishtinë, u përurua libri, “Studime gjuhësore dhe publicistike” i autorit, Sheremet Krasniqi. Për librin kanë folur prof. dr. Zymer Neziri, i cili çmoi lartë këtë vepër voluminoze, ku autori ka prezantuar shkrime të ndryshme publicistike, vështrime e komente dhe shkrime të tjera të botuara në periudha të ndryshme kohore. Për librin dhe krijimtarinë e Sheremet Krasniqit kanë folur edhe profesor, dr. Shyqri Galica, profesor, Hamdi Thaçi, dr. Shekfije Islamaj, të cilët kanë çmuar lartë kontributin shumëvjeçar të autorit, në studimet dhe votimet e tij të deritanishme. Autori i librit, Sheremet Krasniqi përshëndeti të pranishmit për pjesëmarrje në përurim dhe të gjithë ata që e kanë ndihmuar për daljen në dritë të librit. Në fund, luftëtari, invalidi dhe veterani i luftës së UÇK-së, rapsodi i njohur Zeqir Zekolli këndoi dy këngët patriotike.
