Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të fushatës elektorale për Zgjedhjet Lokale 2017, Aleanca Kosova e Re ka mbajtur sot tubim me qytetarë në Komunën e Kastriotit, ish-Obiliq dhe në komunën e Vitisë. Në tubim i pranishëm ishte edhe kryetari i AKR-së Behxhet Pacolli, i cili theksoi se qytetarët janë ata që vendosin për të ardhmen e tyre. ”Jeni banorë të një komune që e furnizon gjithë Kosovën me energji elektrike, e në anën tjetër ju vuani nga mungesa e saj”. Pacolli ka folur edhe për ajrin e ndotur dhe rrezikun nga sëmundjet të cilat shkaktohen nga këto ndotje. Kandidati i partisë për kryetar të Kastriotit, Shemsedin Hashani, u zotua se do të jetë zë i fuqishëm i qytetarëve, duke shtuar se do të angazhohet maksimalisht për zgjidhjen e problemit me energji elektrike, me ujë, e me e ajrin e ndotur. Aleanca Kosova e Re ka mbajtur tubimin hapës të Fushatës edhe në Komunën e Vitisë, ku është bërë prezantimi i listës së kandidatëve për asamble komunale. Në këtë tubim, të pranishmit me një fjalë rasti i përshëndeti kryetari i partisë Behxhet Pacolli, i cili para qytetarëve tha se AKR është parti liberale demokrate, e cila synon zhvillimin ekonomik të Kosovës. I pari i AKR-së u zotua se asamblistët e Aleancës Kosova e Re, do të angazhohen maksimalisht për qytetarët dhe se do t’i përfaqësojnë ata denjësisht.
