Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dy prej rajoneve më të pasura të Italisë së veriut po mbajnë referendume, në të cilat i kanë kërkuar zgjedhësve nëse duan më shumë autonomi. Lombardia, që ka edhe kryeqytetin financiar të Italisë, Milanon, si dhe rajoni i Venetos, përreth Venecias, mbajnë së bashku 30 për qind të pasurisë së vendit. Guvernatorët në të dyja këto rajone i përkasin Ligës së Veriut, që ka argumentuar se Veriu po paguan për Jugun e varfër të vendit. Një votë pro pritet në të dyja proceset, por rezultatet nuk janë të detyrueshme. Qeveria qendrore në Romë thotë se votimi është i panevojshëm, edhe pse Kushtetuta italiane i lejon ato. Referendumet, sidoqoftë, janë në kontrast të dukshëm me krizën në Spanjë, ku një nga rajonet më të pasura, Katalunja mbajti më 1 tetor referendum për pavarësinë, edhe pse Gjykata Kushtetuese e vendit e konsideroi të paligjshëm. Presidenti i Lombardisë, Roberto Maroni është përpjekur ta distancojë atë që po ndodh në rajonin e tij, nga situata në Spanjë.
