Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i diplomacisë së Kosovës, Behxhet Pacolli, ka deklaruar sot se pret që Kosova të jetë anëtare e plotë dhe shteti i 48-të i Këshillit të Evropës deri në vitin 2020. Ai ka thënë së është koha e duhur, që Kosova t’i fillojë përgatitjet dhe të lëvizë përpara dhe se nuk ka kohë për të humbur.
“Sot takova Grupin Punues për anëtarësimin e Kosovës në Këshillin e Evropës. Detyrat dhe përgjegjësitë e tij kanë të bëjnë me përgatitjet dhe koordinimin e këtij procesi. Këtë grup profesionist, që përfshinë diplomatë të Ministrisë së Punëve të Jashtme dhe ekspertë nga Shoqëria Civile e kam themeluar më herët, në mbështetje të prioritetit tim strategjik për anëtarësim të vendit tonë në Organizata Ndërkombëtare. Besoj, që tash është momenti i duhur, që Kosova t’i fillojë përgatitjet dhe të lëvizë përpara. Nuk kemi kohë për të humbur. Do të aplikojmë brenda një periudhe të shkurtër kohore. Duke marrë parasysh procedurat e aplikimit në Organizatën kryesore të kontinentit për të drejtat e njeriut, ne presim që Kosova të jetë anëtare e plotë dhe shteti i 48-të i Këshillit të Evropës deri në vitin 2020. Na priftë e mbara!”, ka shkruar Pacolli në një postim të tij.
