Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Deçan, nën organizimin e Lidhjes se Historianëve të Kosovës “Ali Hadri” dega në Deçan, është mbajtur Akademi përkujtimore me rastin e shënimit të 100 vjetorit të vrasjes se heroit kombëtarë Isa Boletini.
Në këtë ceremoni përkujtuese ishin të pranishëm : Prof.dr.Fatmir Sejdiu, ish President i Republikës se Kosovës; Ramush Haradinaj, ish Komandant i Zonës Opertaive të Rrafshit Dukagjinit dhe Kryetar i AAK-së; Rasim Selmanaj, Kryetar i Komunës se Deçanit; Dr.Islam Lauka, ish Ambasador i Republikës se Shqipërisë në Prishtinë; Ramë Manaj, Kryeshef i Agjencisë Shtetërore të Arkivave të Kosovës, bashkë me delegacionin e tije; Prof.dr.Frashër Demaj, Rektor i Universitetit “FAMA”; deputetët e zonës të Kuvendit të Republikës se Kosovës Safete Hadergjonaj e Teuta Haxhiu, pasatja Kryetaret e Komunave, Agim Bahtiri i Mitrovicës, Rufki Suma i Hanit të Eelezit dhe Agron Kuçi i Junikut; Dr.Naser Rugova, ish Deputet në Kuvendin e Republikës se Kosovës, si dhe shumë qytetar e personalitet të tjera.
Fillimisht para ta pranishmeve foli Selim Lokaj Kryetar i LHK “Ali Hadri” dega në Deçan, i cili ndër të tjera tha : “Isa Boletini, ju takon burrave të mëdhenj dhe atdhetare i cili gjithçka çka pati dha për Shqipërinë. Ai është figura me unifikuese që njeh historiografia jonë. Isa Boletini, me veprimtarin e tije ka hyrë në histori për të mos dal nga aty, ai me të drejtë duhet të quhet edhe si gjenerali i pavarësisë se Shqipërisë ngase nën drejtimin e tije u zhvilluan shumë beteja të cilat do të kulmojmë me mbajtën e Kuvendit Kombëtarë të Vlorës me 28 nëntor të vitit 1912, ku delegatët nga gjitha hapësirat tona do të deklaronin mevetesin e tokave shqiptare.”, tha profesor Lokaj.
Më fjalën qendrore në akademi u paraqit Prof.dr.Frashër Demaj, Rektor i Universiteti “FAMA”, i cili tha : “Në burimet britanike flitet edhe për mënyrën se si Serbia dhe Mali i Zi përdoren joshjen por në të njëjtën kohë edhe kërcënimin për Isen dhe bashkëpunëtorët e tij. Diplomacia serbe dhe ajo malazeze mundohej që kryengritësit shqiptarë ti dobësonte duke i nxitur kundër Perandorisë Osmane, që pastaj ta kishin më të lehtë të aneksonin territoret e tyre. Nga ana tjetër edhe autoritetet osmane alarmonin për rrezikun serb e malazez për shqiptarët duke u munduar të bindin udhëheqësit politik dhe kryengritës të mos e ndanin fatin e tyre nga ai i Perandorisë Osmane.”, tha profesor Demaj duke shtuar se : “Qe Isa Boletini ishte bërë një personazh i rëndësishëm flet edhe Obri (Aubrey) Herbert në kujtimet e tij. Herbert ishte një udhëpërshkrues politikan e diplomat britanik, njohës i mirë i rrethanave shqiptare dhe njëkohësisht shquhej edhe si mik i Isa Boletinit dhe shqiptarëve. Sipas Herbert Isa Boletini një burrë shumë i gjatë me mustaqe, i shkathët, shqiptar tradicional verior, një fytyrë të ashpër, në veshje gegë, në këtë kohë (1910-1912), ishte bërë një hero dhe emri i tij përmendej gjithandej. Herbert, Isa Boletinin e quajti edhe Robin Hudi i shqiptarëve. Ai permend gjithashtu që në kontaktet e tij me Isa Boletinin, ky i fundit ti ketë thënë se shqiptarët shpresojnë që Anglia do ti ndihmonte në perpjekjet e tyre në mbrojtje të territoreve shqiptare. Herbert gjithashtu citon Isen ti ketë thënë se “ veriu dhe jugu, toskët dhe gegët duhet të bashkohen se janë i njëjti popull”, tha Rektori Demaj.
Po ashtu aktivitetin e përshëndeten edhe Prof.dr.Fatmir Sejdiu, ish President i Republikës se Kosovës; Ramush Haradinaj, ish Komandant i Zonës Operative të Rrafshit Dukagjinit dhe Kryetar i AAK-së; Dr.Islam Lauka, ish Ambasador i Republikës se Shqipërisë në Prishtinë si dhe Ramë Manaj, Kryeshef i Agjencisë Shtetërore të Arkivave të Kosovës si dhe Gazmend Boletini përfaqësuesi i Familjes Boletini.
Në fund të aktivitetit Kryetari i LHK “Ali Hadri” dega në Deçani Selim Lokaj nën pranin edhe të Dr.Islam Lauka, i dorëzona Ramush Haradinaj, dekoratën e nderit Titullin “Krenaria e kombit shqiptar” të LHK “Ali Hadri” dega në Deçan.
