Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mijëra qytetarë në Tetovë sot morën pjesë në protestën
kundër ndotjes së ajrit, duke kërkuar ndërprerjen e menjëhershme të punës së fabrikës
‘Jugohrom’. Protestuesit i dhanë ultimatum Qeverisë së Nikolla Gruevskit deri
me 25 dhjetor për të ndaluar punën e ‘Jugohromit’ që e ka shndërruar Tetovën në
qytetin më të ndotur në Maqedoni, në të kundërtën do të ketë bllokime të rrugëve
dhe institucioneve komunale. “Kërkesa e parë, të ndërpritet menjëherë puna dhe procesi i prodhimit
në Jugokrom deri në vendosjen e plotë të filtrave. Ky është ultimatum. Pika e
dytë: zhvendosja e deponisë nga hyrja e qytetit të bëhet sa më parë dhe pika e
tretë ndalimi i qarkullimit të të gjitha automjeteve pa standarde ekologjike në
qytet dhe zgjidhjen e kaosit në trafik”, deklaroi kryetari i Lëvizjes ‘Eco-Guerilla’,
Arianit Xhaferi. Në vazhdim, protestuesit e mllefosur nga indiferenca e
autoriteteve lokale, kanë hedhur koktej mollotovi në drejtim të ndërtesës së
Komunës së Tetovës. Pasi Policia rrethoi objektin e komunës, protestuesit nisën
të hidhnin gurë e gjësende të forta. Përndryshe, Tetova është buzë një
katastrofe ekologjike si pasojë e ndotjes së pashembullt të ajrit nga tymtarët
e fabrikës ‘Jugohrom’. Ndotja e ajrit në Tetovë ka kaluar çdo normë të lejuar,
aq sa raportet flasin për rritjen e frikshme të numrit të të kontraktuarve me sëmundje
kancerogjene.
