Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ramë Vataj, rektor i Universitetit Publik të Prizrenit ka ngritur kallëzim penal ndaj Dëfrim Gashit, Drejtor i Përgjithshëm i Inspektoratit të Arsimit i Ministrisë së Arsimit të Republikës së Kosovës, si dhe Bedri Muhadrit, Kryesues i Këshillit Drejtues në Universitetin “Ukshin Hoti” në Prizren. Në kallëzimin thuhet se që të dy kanë kryer vepren penale, sipas nenit 422, të Kodit Penal të Republikës së Kosovës “Më datë 18.06.2018, Senati i Universitetit, në një mbledhje të rregullt, duke shqyrtuar kërkesën Parlamentit Studentor, për shkarkimin e Prof. ass. Dr. Soner Yildirim, nga pozita e anëtarit të Këshillit Drejtues të Universitetit “Ukshin Hoti” në Prizren. Në këtë mbledhje Senati i Universitetit, e ka futur në votim kërkesën e lartë cekur, dhe se nga 15 anëntarë të Senatit, të cilët kanë qenë prezent, trembëdhjetë kanë votuar për shkarkimin e Prof. ass. Dr. Soner Yildirim, nga pozita e anëtarit të Këshillit Drejtues të Universitetit ‘Ukshin Hoti’ në Prizren, ndërsa një fletëvotim ka qenë i pavlefshëm dhe një abstenim, thuhet në kallzimin penal.
