Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Hagës ka reaguar pas vdekjes së Haxhi Thaçit, babait të ish-presidentit Hashim Thaçi, duke konfirmuar se të paraburgosurit mund të bëjnë kërkesë për leje të veçantë për arsye humanitare. Zëdhënësi i Speciales, Michael Doyle, ka deklaruar se gjyqtarët kompetentë do të shqyrtojnë çdo kërkesë të tillë. “Korniza ligjore e gjykatës së Hagës, u mundëson personave të paraburgosur që të bëjnë kërkesa për arsye detyruese humanitare. Gjyqtarët do të vendosin për kërkesa të tilla”, thuhet në përgjigjen e tij. Ende nuk ka një vendim konkret nëse Thaçit do t’i jepet leje për të marrë pjesë në ceremoninë mortore të babait të tij, ndërsa vendimi përfundimtar pritet të bëhet i ditur përmes publikimeve zyrtare të Speciales.
