Kuvendi i Kosoves

AAK dhe Nisma mirëpresin idenë e mbajtjes së një seance dëgjimore në Kuvend për çështjen e demarkacionit

AAK-ja dhe Nisma kanë mirëpritur idenë e mbajtjes së një seance dëgjimore në Kuvendin e Kosovës për çështjen e demarkacionit mirëpo, kjo nuk do të kishte efekt pa pasur ndryshim të qëndrimeve nga ana e pozitës. Muharrem Nitaj nga AAK-ja dhe Zafir Berisha nga Nisma kanë paraqitur propozimet e këtyre partive për zgjidhjen e çështjes së demarkacionit me Malin e Zi. Anëtari i Kryesisë së AAK-së, Muharrem Nitaj, ka thënë për gazetën “Epoka e re” se marrëveshja e demarkacionit me Malin e Zi nuk ka përfillur as kriteret e as interesat e Kosovës. Kjo, sipas tij, mund të konstatohet edhe pa seancë dëgjimore. Nitaj ka thënë se demarkacioni me Malin e Zi ka mbërritur në një pikë të dështimit të tij, dhe AAK-ja propozon rrugën që duhet ndjekur në mënyrë që kjo çështje të marrë zgjidhje. Kurse deputeti i Nismës për Kosovën, Zafir Berisha, ka thënë se ideja për t’u mbajtur një seancë dëgjimore për demarkacion në Kuvendin e Kosovës është e mirë por, sipas tij, nuk do të kishte efekt pa pasur ndryshim të qëndrimeve nga ana e pozitës.

Kontrolloni gjithashtu

Bajraktari: Për një periudhë tejet të gjatë kohore krimet e luftës kanë qenë kompetence e autoriteteve ndërkombëtare

Avokati Ardian Bajraktari ka vlerësuar se trajtimi i krimeve të luftës në përgjithësi dhe atyre …