Brickos

Fatmir Limaj dhe Ramush Haradinaj

AAK dhe Nisma: Protesta ishte madhështore dhe dinjitoze

Aleanca për Ardhmërinë e Kosovës dhe Nisma për Kosovën e kanë cilësuar madhështore dhe dinjitoze protestën e sotme të mbajtur në qendër të Prishtinës. “Dhjetëra mijëra qytetarë nga gjithë Kosova, sot kanë dëshmuar qytetari dhe vendosmëri, për të kundërshtuar gjendjen e rëndë në vend dhe fajtorët kryesor të kësaj gjendjeje. Edhe në këtë protestë është vërtetuar se populli opozitar në Kosovë, është në rritje”, thuhet në komunikatën e AAK-së, teksa shtohet se kultura e demonstruar nga qytetarë të të gjitha viseve është forca e Boshtit Opozitar, se ai është në rrugë të mirë për të adresuar çështjet që sot e preokupojnë qytetarin e Kosovës, kjo pa dallim përkatësie. AAK më tej thotë se të gjithë ata qytetarë që sot, edhe pse mot me shi, vendosën të ishin pjesë e protestës në Prishtinë, ishin zemra e kundërshtimit të këtij pushteti dhe shpresa se Kosova, do të kthehet në rrugë të mbarë. “AAK dhe Nisma, i falënderojnë të gjithë ata që kontribuuan që kjo protestë të ishte masive, e qetë dhe qytetare, duke përfshirë aktivistët e shumtë, mediet dhe opinionin publik, si dhe organet e rendit. AAK dhe Nisma, janë të vendosur që rrugës së kundërshtimit t’i shkojnë deri në fitore të plotë, që është përfillja e vullnetit të sovranit, dhe ne do të jemi në shërbim të tij. Protesta e sotme, ishte edhe një mundësi më shumë, që ata që ende hezitojnë t’i bashkohen këtij kundërshtimi qytetar, të reflektojnë, thuhet në komunikatë.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …