Opozita Kuvend

AAK-ja dhe Nisma i kanë dhënë fund bojkotit të Kuvendit

AAK-ja dhe Nisma i kanë dhënë fund bojkotit të Kuvendit, kanë bërë të ditur shefi i Grupit Parlamentar të AAK-së, Pal Lekaj, dhe shefja e Grupit Parlamentar të Nismës, Valdete Bajrami. Ata kanë theksuar se me procedimin e demarkacionit në Kuvend nuk kanë më arsye për të vazhduar bojkoti i tyre. Ata kanë shtuar se tash e tutje deputetët e dy partive opozitare do t’u kthehen punimeve në seancat plenare dhe mbledhjeve të komisioneve parlamentare. Lekaj e Bajrami kanë treguar se kundërshtimi i tyre do të bëhet nëpërmjet votave, e jo gazit lotsjellës apo formave tjera që u përdorën më parë nga këto parti. Të dy subjektet opozitare, që tashmë kanë lidhur koalicion mes vete, që nga zgjedhja e Hashim Thaçit për president të vendit, kanë vendosur bojkotimin e institucioneve të vendit, si shenjë pakënaqësie me koalicionin qeverisës, e sidomos nënshkrimin e dy marrëveshjeve, atë të Demarkacionit dhe Asociacionit.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …