Abelard Tahiri

Abelard Tahiri: Kryeministri Kurti nuk ka alternativë tjetër veç largimit të Hekuran Muratit nga posti i ministrit të Financave

Shefi i grupit parlamentar të PDK-së, Abelard Tahiri, ka komentuar statuset e ministrit të Financave, Hekuran Murati, rreth çështjes së veteranëve të luftës. Ai statusin e vitit 2016 të Muratit e ka cilësuar si skandaloz, teksa ka thënë se kryeministri i vendit s’ka alternativë tjetër veç largimit të tij nga posti i ministrit të Financave. “Ne shohim se këtu ka tashmë një agjendë të ministrit Murati që ka një kundërshtim të madh ndaj kësaj kategorie. Ne i kërkojmë kryeministrit dhe i kemi thënë edhe dje se e ka një ministër të Financave që është totalisht i paaftë, një ministër që veç me numra nuk flet, me një ministër që vjen me qëllime të caktuara për t’i fyer deputetët e opozitës dhe fyerjet e tij ndaj veteranëve të UÇK-së janë të papranueshme”, është shprehur Tahiri.  Me largimin e Muratit nga posti i ministrit, Kurti e çliron edhe veten, pasi sipas tij, në krye të kuletës së shtetit ka vendosur një njëri  të paaftë, por që fyen dhe  që ofendon.

 

Kontrolloni gjithashtu

Nga zjarri që ka përfshirë një kishë në Egjipt, kanë humbur jetën 41 persona dhe shumë të tjerë janë plagosur

Nga zjarri që ka përfshirë një kishë në Egjipt, kanë humbur jetën 41 persona dhe …