Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish- kandidati për kryetar të Fushë Kosovës dhe anëtar i hershëm nga radhët e Partisë Demokratike të Kosovës, Adem Zogiani ka dhënë dorëheqja nga kjo parti. Arsyeja e dorëheqjes, sipas vlerësimit të tij është degradimi që ka pësuar kjo parti. Në dorëheqjen e tij ai i ka thënë Kadri Veselit se nuk mund ta luftojë korrupsionin pasi që në partin e tij i ka njerëzit më të korruptuar. “Ju edhe pse jeni të njoftuar nga kompania audituese e Pasqyrave Financiare e miratuar nga Kuvendi i Kosovës asnjë veprim nuk keni marrë gjer më sot….”, ka thënë ai. Ky reagim i Zogianit vjen pasi që kryetari i PDK-së, Kadri Veseli para ca ditësh bëri thirrje për t’u bashkuar dhe nënshkruar Aktin kundër korrupsionit e shpërdorimit të detyrës zyrtare. Unë nuk do të jem më anëtar as simpatizant i PDK-së pasi që kjo parti ka degraduar, duke larguar dhe anashkaluar, duke ngritur e montuar aktakuza te ata që e formuan dhe forcuan PDK-në, dhe e sollën deri këtu, tha Adem Zogiani, veprimtar i hershëm dhe vëlla i dy dëshmorëve të kombit.
