Fillimi / Lajmet / Adil Behramaj: Nuk e paskemi ditur, por Avdullah Hoti qenka tërësisht i amputuar nga ndjenjat e patriotizmit
Adil Behramaj: Nuk e paskemi ditur, por Avdullah Hoti qenka tërësisht i amputuar nga ndjenjat e patriotizmit

Adil Behramaj: Nuk e paskemi ditur, por Avdullah Hoti qenka tërësisht i amputuar nga ndjenjat e patriotizmit

Këshilltari politik i kryetarit Thaçi, Adil Behramaj, ka reaguar shumë ashpër kundër takimit të sotëm në Bruksel të kryeministrit Avdullah Hoti. Ai ka thënë se Hoti nuk e përfaqëson as LDK-në, se lëre më Kosovën. Madje, sipas tij, Hoti si i vetëm nuk mund ta përfaqësojë as fshatin e tij. Behramaj ka thënë se në ditën kur kryetari i vendit po intervistohet për shpifjet e regjimit serb, Avdullah Hoti ka zgjedhur t’i zgërdhihet Vuçiqit në Bruksel. “Në ditën kur presidenti i vendit po intervistohet për shpifjet e regjimit serb, Avdullah Hoti ka zgjedhur t’i zgërdhihet Vuçiqit në Bruksel. Ky paska qenë ekipi i unitetit për të cilin na fliste! Që nga 24 qershori kur u anulua takimi i Uashingtonit për shkak të publikimit të çuditshëm të propozim-aktakuzës nga Zyra e Prokurorit të Specializuar, Avdullah Hoti nuk e ka thënë as një fjalë të vetme në përkrahje të presidentit, ndonëse ai gjeti kohë ta uronte edhe Liverpoolin. Edhe pse distanca në mes Zyrës së Presidentit dhe Zyrës së Kryeministrit nuk është as 50 metra, ai nuk e mori mundin më asnjëherë që të vinte dhe ta takonte. Jo vetëm për t’u koordinuar, por as për ta shprehur një solidaritet krejtësisht njerëzor! Nuk e paskemi ditur, por Avdullah Hoti qenka tërësisht i amputuar nga ndjenjat e patriotizmit!”, ka shkruar Behramaj.

Kontrolloni gjithashtu

Adem Breznica

Adem Breznica: Heronjtë e Betejës së Kosovës të vitit 1389 nuk ishin serbë, por shqiptarë

Dy prej shumë protagonistëve të para dhe pas Betejës së Kosovës (1389), Lazar (h)RABeljanoviç dhe ...