Aktivitete vetëdijesuese për rëndësinë e zbulimit të hershëm të kancerit të gjirit

15/10/2026 Institucionet

Ekipi për Edukimin dhe Promovimin e Shëndetit (EPSH) i QKMF-së në Ferizaj ka organizuar ligjërata vetëdijesuese për kancerin e gjirit, me qëllim të rritjes së informimit dhe ndërgjegjësimit të grave për rëndësinë e kujdesit ndaj shëndetit të tyre.

Njëra nga ligjëratat u mbajt me gratë e komunitetit në Hotelin “Rubis”, në mbështetje të OJQ-së “Nevo Koncept”, poashtu u organizua një ligjëratë tjetër me pjesëtarët e komuniteteve rom, ashkali dhe egjiptian, në Qendrën e Komunitetit në Dubravë.

Gjatë këtyre aktiviteteve u diskutua për rëndësinë e zbulimit të hershëm të kancerit të gjirit, kontrolleve të rregullta shëndetësore dhe informimit të drejtë mbi mundësitë e parandalimit, diagnostikimit dhe trajtimit në kohë të kësaj sëmundjeje.

Përmes këtyre ligjëratave, ekipi i EPSH-së synon të kontribuojë në rritjen e vetëdijesimit shëndetësor, promovimin e kujdesit për shëndetin e grave dhe fuqizimin e qasjes së barabartë në informata shëndetësore për të gjitha komunitetet.

Kontrolloni gjithashtu

Komuna e Deçanit është njëra nga 12 komunat partnere të projektit KOMOAL-PREP

Komuna e Deçanit është njëra nga 12 komunat partnere të projektit KOMOAL-PREP, të cilat u …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara