Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori universitar, Alban Zeneli ka kritikuar gjuhën parlamentare ndaj grave deputete të Kuvendit të Kosovës. Ai ka theksuar se gjuha fyese ndaj grave në Kuvendin e Kosovës është e papranueshme dhe dekurajuese. “Në fakt, gjuha publike ndaj grave përgjithësisht është e ashpër në Kosovë dhe jo vetëm grave politikane, po edhe ndaj pjesëmarrësve të tjerë në sferën publike që janë gra. Përgjithësisht gjuha është e ashpër në raport me atë që përdoret gjuhë urrejtjeje, përdoret gjuhë e cila nuk është e përshtatshme për komunikim publik ndaj të gjithëve. Po kur është çështja tek gratë, mendoj që është dyfish më e rëndë gjuha, edhe për faktin se ne kemi një numër relativisht të vogël të grave që marrin pjesë në diskutim publik. Edhe kjo gjuhë bëhet me tendencë me i dekuraju specifikisht gratë, po edhe të tjerët, për pjesëmarrje në diskutim publik e në hapësirë publike” ka deklaruar mes tjerash gjatë intervistës për Ekpnomia Online, profesori universitar, Alban Zeneli.
