Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Kurti, deklaroi se në takimin me pesë emisarët amerikanë dhe evropianë i është thënë që në qoftë se nënshkruhet drafti për vetëmenaxhim, sikur shprehet ai për Asociacionin e Komunave me shumicë serbe, do të dërgohet në Gjykatën Kushtetuese për t’u vlerësuar kushtetutshmëria. Ai shtoi se mos-nënshkrimi i kryetarit të Serbisë, Vuçiq është sulm i drejtpërdrejtë i marrëveshjes bazike të arritur në Bruksel dhe në Ohër. Kurti u shpreh se Serbia po insiston të dërgojë letra anësore, të cilat e sulmojnë marrëveshjen bazike dhe aneksin zbatues. Ai tha se nuk e di nëse në takimin e fundit iu ka kërkuar nënshkrimi i kësaj marrëveshje. Kryeministri Kurti si zakonisht nuk ka dhënë detaje për propozimin e pesë emisarëve, me arsyetimin për respektim të kërkesës që të mos flitet konkretisht për të.
